ఈ నెల 30 న మాజీ ఎంపీ విజయసాయిరెడ్డి మరో ప్రెస్ మీట్ కు సిద్ధమవుతున్నారు.. ఈసారి విశాఖ వేదికగా ఆయన కీలక ప్రకటన చేసే అవకాశం ఉన్నట్టు తెలుస్తోంది.. తన ప్రెస్ మీట్ కు సంబంధించి ట్విట్టర్ లో పోస్ట్ చేసిన విజయసాయిరెడ్డి.. ఇలా పేర్కొన్నారు.. ఉత్తరాంధ్ర వెనుకబాటుతనం, ఈ ప్రాంత అభివృద్ధికి అవసరమైన కార్యాచరణ, ప్రజల సమస్యలకు పరిష్కార మార్గాలు, అలాగే తాను ఏర్పాటు చేయబోయే మూడో ప్రత్యామ్నాయ రాజకీయ పార్టీ విధి విధానాలు, భవిష్యత్ కార్యాచరణ తదితర అంశాలపై మీడియా ముందుకు వస్తున్నట్టు పేర్కొన్నారు.
ఉత్తరాంధ్ర ప్రాంతం ఎదుర్కొంటున్న ప్రధాన సమస్యలు, అభివృద్ధి అవకాశాలు, ప్రజల ఆకాంక్షలు, ఉపాధి మరియు ప్రాంతీయ అభివృద్ధికి సంబంధించిన అంశాలపై ఆయన తన అభిప్రాయాలను వెల్లడించనున్నారు. అలాగే ప్రతిపాదిత కొత్త రాజకీయ పార్టీ లక్ష్యాలు, విధానాలు, కార్యాచరణకు సంబంధించిన అంశాలను మీడియాకు వివరించనున్నట్లు తెలిపారు. ఈ విషయాలను ప్రజల దృష్టికి తీసుకెళ్లేందుకు నిర్వహిస్తున్న మీడియా సమావేశానికి విశాఖపట్నంలోని మీడియా సోదరులు, పాత్రికేయులు, మీడియా ప్రతినిధులు హాజరై కార్యక్రమాన్ని కవర్ చేయాలని విజయసాయి రెడ్డి విజ్ఞప్తి చేశారు.
