ఘనంగా ‘అనకాపల్లి’ ప్రీ-రిలీజ్ వేడుక.. అక్టోబర్ 2న థియేటర్లలోకి రా అండ్ రస్టిక్ విలేజ్ డ్రామా!
భవ్య శ్రీ మూవీ మేకర్స్, నక్కిన నెరేటివ్స్ బ్యానర్లపై కాండ్రేగుల నాయుడు, త్రినాథరావు నక్కిన సంయుక్తంగా నిర్మించిన రా అండ్ రస్టిక్ చిత్రం ‘అనకాపల్లి’. ఖగేష్ తమ్మినేని దర్శకత్వంలో తెరకెక్కిన ఈ చిత్రంలో విక్రమ్ సహిదేవ్, సంధ్యా వశిష్ట, తారక్ పొన్నప్ప ప్రధాన పాత్రలు పోషించారు. దర్శకుడు త్రినాథరావు నక్కిన ఈ చిత్రానికి కథ, స్క్రీన్‌ప్లే అందించడంతో పాటు స్వయంగా కీలక పాత్రలో నటించారు. కాండ్రేగుల కుమార్ రాజా సహ నిర్మాతగా వ్యవహరించారు. గాంధీ జయంతి సందర్భంగా అక్టోబర్ 2న ఈ సినిమా విడుదల కానున్న నేపథ్యంలో చిత్ర యూనిట్ ఆదివారం ఘనంగా ప్రీ-రిలీజ్ ఈవెంట్‌ను నిర్వహించింది.
ప్రముఖుల ప్రసంగాలు & శుభాకాంక్షలు:
-
సెన్సేషనల్ డైరెక్టర్ వి.వి. వినాయక్:“లగడపాటి శ్రీధర్ గారికి సినిమా అంటే విపరీతమైన ప్యాషన్. ఆయన కోరిక మేరకు విక్రమ్ పెద్ద హీరోగా ఎదుగుతాడు. ట్రైలర్‌లో తారక్ పొన్నప్ప యాక్టింగ్ భయపెట్టేలా ఉంది. ‘అనకాపల్లి’ చిత్రం బాక్సాఫీస్ వద్ద ఘన విజయం సాధించి దర్శక, నిర్మాతలకు భారీ లాభాలు అందించాలి.”
-
సక్సెస్ ఫుల్ డైరెక్టర్ శివ నిర్వాణ:“నేను డిగ్రీ చదివింది అనకాపల్లిలోనే, అందుకే ఆ ఊరితో నాకు బలమైన ఎమోషన్ ఉంది. నేను చేయాలనుకున్న రూటెడ్ కథను త్రినాథరావు గారు తెరపైకి తెచ్చారు. నటుడిగా ఆయనకు మంచి గుర్తింపు దక్కుతుంది. సంధ్య, ఇంద్రజ గారు పాజిటివ్ ఎనర్జీ తీసుకొచ్చారు. ‘అనకాపల్లి’ సినిమా సౌండ్ తెలుగు రాష్ట్రాల అంతటా గట్టిగా వినిపించాలి.”
-
నిర్మాత మైత్రి రవి (మైత్రి మూవీ మేకర్స్):“‘రంగస్థలం’ సమయంలో ఇలాంటి నేటివిటీ ఉన్న రూటెడ్ కథలు రావాలని పవన్ కళ్యాణ్ గారు చెప్పారు. పూర్తి స్థాయి లైవ్ లొకేషన్స్‌లో అనకాపల్లిలోనే ఈ సినిమా తీయడం విశేషం. కథలో మంచి డెప్త్ ఉంది. విక్రమ్ నటనతో పాటు తారక్ ప్రదర్శన అందరినీ ఆకట్టుకుంటుంది. ఈ సినిమా పెద్ద విజయం సాధిస్తుంది.”
-
దర్శకుడు సాయి రాజేష్:“త్రినాథరావు గారు నటించడమే కాకుండా నిర్మించడం ఆశ్చర్యం కలిగించింది. విక్రమ్‌కి మంచి ఫ్యూచర్ ఉంది, అతి తక్కువ సమయంలోనే స్టార్‌గా ఎదుగుతాడు. చిత్ర యూనిట్ మొత్తానికి నా ఆల్ ది బెస్ట్.”
-
సంగీత దర్శకుడు, నటుడు ఆర్పీ పట్నాయక్:“నేను ఇప్పటికే ఈ సినిమా చూశాను. త్రినాథరావు గారి ఆలోచనకు ఇది చక్కటి దృశ్యరూపం. ఆయన రూపంలో టాలీవుడ్‌కు మరో ప్రతిభావంతుడైన నటుడు దొరికాడు. విక్రమ్ చాలా క్లిష్టమైన పాత్రను అద్భుతంగా చేశాడు. ఇంద్రజ గారు, సంధ్య తమ నటనతో మెప్పించారు.”
చిత్ర యూనిట్ మాటల్లో:
-
చిత్ర సమర్పకుడు లగడపాటి శ్రీధర్:“ప్రేమ ఎంత మధురంగా ఉంటుందో.. కొన్నిసార్లు అంతే కఠినంగా మారుతుంది. అలాంటి కథలో ఒక ప్రియుడు మరింత వయలెంట్‌గా మారితే జరిగే పరిణామాలే ఈ చిత్రం. విక్రమ్ నటన చూసి నేనే ఆశ్చర్యపోయాను. ప్రతినాయకుడిగా తారక్ పొన్నప్ప అద్భుతంగా నటించి అందరినీ భయపెడతాడు. ఇంద్రజ గారి నటన చిత్రానికి ప్రాణం పోసింది.”
-
కథ, స్క్రీన్‌ప్లే & నిర్మాత త్రినాథరావు నక్కిన:“సినిమాలో ప్రతి పాత్ర మధ్య తీవ్రమైన పోటీ ఉంటుంది. నటీనటులంతా పోటీపడి నటించారు. ఒక్క క్షణం కూడా దృష్టి మరల్చకుండా నడిచే ఆసక్తికరమైన కథనం ఇది. మాటలు, పాటలు, యాక్షన్ సన్నివేశాలు అన్నీ సమపాళ్లలో కుదిరాయి. అక్టోబర్ 2న థియేటర్లలో ప్రేక్షకులకు సరికొత్త అనుభూతిని ఇస్తుంది.”
-
హీరో విక్రమ్ సహిదేవ్:“ప్రేమ, స్నేహం, కుటుంబ అనుబంధాల కలయికగా ఈ చిత్రం రూపొందింది. నాకు మద్దతుగా నిలిచిన ప్రతి ఒక్కరికీ ధన్యవాదాలు. ప్రేక్షకుల స్పందన కోసం ఆసక్తిగా ఎదురుచూస్తున్నాను. అక్టోబర్ 2న అందరూ థియేటర్లలో చూడండి.”
-
నటి ఇంద్రజ & హీరోయిన్ సంధ్యా వశిష్ట:“విక్రమ్, సంధ్య, తారక్ మధ్య సాగే ఈ డ్రామా ప్రేక్షకులను సర్ ప్రైజ్ చేస్తుంది. లవ్, యాక్షన్‌తో పాటు ఒక చక్కని సందేశం కూడా ఇందులో ఉంది.”
-
నిర్మాత కాండ్రేగుల నాయుడు:“అనకాపల్లి ప్రజల నమ్మకమే ఈ రోజు నన్ను ఈ స్థాయికి తీసుకొచ్చింది. నా ప్రయాణంలో సహకరించిన ప్రతి ఒక్కరికీ, ఈ సినిమాను విడుదల చేస్తున్న మైత్రి మూవీ మేకర్స్ వారికి ప్రత్యేక కృతజ్ఞతలు.”
ఈ కార్యక్రమంలో సంగీత దర్శకుడు దేవ్‌జండ్, సినిమాటోగ్రాఫర్ మాయా వి, నటుడు తారక్ పొన్నప్ప, దర్శకుడు రసూల్ ఎల్లోర్, ఆదిత్య మ్యూజిక్ నిరంజన్ తదితరులు పాల్గొని చిత్ర బృందానికి శుభాకాంక్షలు తెలిపారు.
